好！新片終於告一段落！！！
今次呢個新嘅興趣體驗系列，仲係試驗階段🥺
要做到同時令觀眾學到新嘢又唔悶要好笑，其實對我嚟講仲係學習中🔥
今次走去拍學大戲都叫人生入面，跳出咗自己嘅框框試一樣新嘅嘢，雖然過程唔多唔少有啲辛苦（大戲一啲都唔簡單🥲 加上試新嘢好大壓力），但拍到俾大家睇已經好開心值得💛
今次想喺到多謝製作組嘅嘉琪、Cynthia同福富，要跟住一個咁煩咁執著嘅人真係辛苦晒你地🥺 （我係嗰啲：我要木間尺做道具 你俾膠間尺我 我會唔開心嘅人🥲），每一個道具同佈置都靠佢地擺到最靚，而成個過程我真係絕對信任佢地，雖然介紹道具個Part Cut咗好多內容，但能夠喺一個排舞室介紹道具而望落冇違和感已經好利害！
另外想特別感謝最強經理人Cynthia 幫我地寫咗咁多張大字報提我地台詞（啲字係讀到的😎），今次我承認喺影片創作上面有好多自己嘅諗法，令到過程會有唔少磨擦，但最終順利完成到真係好多謝佢耐心處理每一件事🤧🧡
最後亦想多謝郭Sir咁用心教導我同Gordon（大家都知Gordon好唔聽話㗎啦），仲有一班Camman 收音師陪我癲咗全日，最終比試場燈打得好好我超鐘意🔥，感謝 @theyardhk 提供咗咁大嘅排舞室俾我地拍足全日🎥 其實冇任何一方嘅支持都拍唔到呢條片🥺
短時間內會唔會繼續呢個系列我未知🙈，大家又覺得點呢！？或者想睇我拍咩多啲？留言話我知💕
大家一齊加油💪🏻
Search